الرئيسية » الغاز شعبية » الغاز مغربية شعبية قديمة و حجايات حديدان مع الحل
الغاز مغربية و حجايات حديدان
الغاز مغربية

الغاز مغربية شعبية قديمة و حجايات حديدان مع الحل




  • الحاء بنت الحاء يقولو من ضَلعت بونا أدام خرجات وأول وحدة بإبليس تغوات، حتى من شجرة التفاح كلات وكانت ليها سباب باش من الجنة خرجات وهي و بونا أدام للأرض نزلات ومن ديك الوقت والرجال حاسبينها هي سباب كل الزّلات وهي بحكم الله رضات ؟

الاجابة

الاجابة

حواء


  • حاجيتك ماجيتك على حرف الكاف يرد الهيبة ويحضي الغيبة يحرس الزّريبة ويرعى الكسيبة، فالعشرة ولّاف ما يدوزكش وآخا تكون الحمية بزّاف، بالحق إلا جاه الجوع أمفلس وصاب السيبا، يخلع الدجيجات والفلالس تقول مرضعاه ذيبة ؟

الاجابة

الاجابة

الكلب

حجايات حديدان

  • حاجيتك ماجيتك على النون بنت النون حاكماهم أنثى وخادمها سلطان قصرهم شمع محصن كُلّو شراجم وبيبان مذكورين في كتب الطب وحتى فالقرآن ، لسعتهم دواء وفي جوفهم كنز ماليه تمام ، قُوتْهم قليل وجودهم كثير حجمهم صغير وشانهم كبير في بطونهم حاملين سر من أسرار الكون ؟

الاجابة

الاجابة

النحل
  • مبدي بحرف الفا والفا بن الفا كلشي فيه، الشكران فيه و الذمّان فيه، منورو كلام الله اللّي فسّرو ومخليه على فطنة ونبيه، بالحق إلا غرّو الغرار ولعب بيه كيخلّيه يسعى للنّار برجليه، نقولو الله يرحم من قرّاه، الخير معاه وعلى يدّيه يعلّمنا العبادا ويلقّم لينا الشّهادا يضبط الكفن ويغسّل الميت ويقرى عليه ؟

الاجابة

الاجابة

الفقيه
  • الجيم بالجيم كون يعطيوك الخيار تختارو هو قبل الدار، كان جديد ولّى قديم، لازم كتسول فيه وتحيّي معاه صلة الرحم، ما تجيب عليه دسارا ما تجبد معاه عيب ولّا عار وهاد الجيم ولد الجيم وصّاو عليه وقالوا الجيم قبل الدّار ؟

الاجابة

الاجابة

الجار
  • حاجيتكم أسيدي على القاف و القاف كيغلاض بلا طعام ويرقاق بلا صيام، مرة مدور بحال وجه الباهية و مرة رقيق كيف التبسيمة ومرة مغُوبش بلا تقليقة ؟

الاجابة

الاجابة

القمر

شاهد أيضاً

حل وصلة

وصلة لغز 73 | حل لغز رقم 73 لعبة وصلة المجموعة التاسعة كلمات متقاطعة

حل لغز رقم 73 من لعبة وصلة المجموعة التاسعة كلمات متقاطعة   لعبة وصلة هي …

9 تعليقات

  1. سمير العصفور

    الله يعطيكم الصحة الغاز في منتهى الروعة تدكرنا بأيام زمان يا سلام برافو برافو برافو

    • شكرا لك تعليقك يحفزنا للعمل أكثر و البحث عن المزيد من الالغاز و الحجايات السعبية القديمة

  2. الغاز مغربية تذكرنا بايام زمان

  3. الغاز ايام زمان من وقت 1980

  4. salam
    li5wan sam7o lia matanaktabchbla 3arabia
    lmohim bit ngol likom rah rah lmadam diali smiytha hala tatgol likom rah ljawab ta3 lorz 3 rata2 rah 5aso ikon tajin ochokran

  5. زوينين بزااااااااااااااااففففففففففففففففففف💝💝💝💝💝💝💝💝💝💝💝💝💝💝💝😘😘😘😘😘😘😘😘😘😘😘💞💞💞💗💕💖💕💖💕💗💝💝😘😘💗

  6. روععععععععععةةةةةةةةةةة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *